Feeling last day....

Exacly 1:50 am, andito na ako sa work. Ang aga ko, kasi nakakaawa ung service ko kung 2:30am pa ako aalis na bahay. Tao din naman sya at kelangan din nyang matulog. Mas ok na yung ako na ang maghintay ng matagal dito sa office kesa sya pa ang paghintayin ko sa oras na dapat ako ang mag-adjust... At dapat TGIF na di ba? thank God nga daw kasi Friday na... Araw na naman ng gimikan kasi last day ng mga nagwowork at last day na din ng mga ibang estudyante... Pero ako, madaling sabihin na TGIF na nga pero masakit isipin kasi may work pa bukas. Bukas ang totoong last day ko. haaayyyy... Nakakatamad tuloy.

Anyway, ano ba pinagkakaabalahan nyo pag last day nyo sa school or sa work?

Ako, simple lang - gala lang to the max! (bago pa ba un?) ayoko kasing umuwi agad pag last day ko. Makikita ko na naman ung mga tao sa bahay na nakakasawa na ang mga pagmumukha nila. hehe. Gusto kong ienjoy ang last day ko. Kaya usually, may mga planadong lakad na ako before the end of the week. Hindi ko naman ugali ang mag out-of-town. Ang gastos kasi nun saka wala naman kaming wheels para pumunta sa malayo. Hanggang malls lang ako o kaya naman sa mga turo-turo lang. hehehe...

Minsan, may mga kasama akong barkada, officemates, or kahit sinong kilala kong libre sa araw na iyon. Kung hindi man sila libre at sabihin ko sa kanilang ako na bahala at ililibre ko sila, hindi magdadalawang-isip mga yun at biglang magbabago ang isip nila na sumama sa akin. heheh. Syempre ako naman ung tipong napasubo sa gulong pinasok ko. Patay ako, ubos na naman pera pag nagkataon! :)

May mga pagkakataon din na ako lang mag-isa ang gumagala. Siguro kasi wala din akong panlibre sa iba kaya ayokong mag-invite ng magiging PA ko. ahahaha... Minsan din naman, kung sino-sino lang ang makakasama ko sa sandaling oras lang ng pagtambay ko sa mall. Pag naglalaro kasi ako ng dance arcade (PIU) sa mall, syempre magiging friendly ako at kakausapin ko ang ibang naglalaro din dun. Hanggang sa magiging "feeling close" na kami at ayun, instant kasama sa galaan hanggang sa umuwi.

Hindi ko alam kung tuloy ang lakad namin ng ibang bloggers bukas. Mostly kasi sa mga ininvite ko, hindi pwede bukas dahil sa kanya-kanyang kadahilanan and I understand din naman kung bakit.. Yung iba naman, hanggang sa ngayon ay hindi nagpaparamdam. hehehe... Sana may panlibre ako sa kanila para masaya lahat, pero kulang eh. hehehe.... kung papayag sila sa kwek-kwek why not. Kaso sa malayong lugar pa silang manggagaling so pamasahe pa lang lugi na. Ayoko naman tumanga lang sa bahay bukas. Aalis at aalis ako bukas kung ano pa man ang mangyari. Bahala na kung saan ako mapadpad. Bahala na kung saan ako dalhin ng mga nangangati kong paa. Bahala na kung sino ang maswerteng taong makakasama ko at kung sino ang gustong sumama sa akin. Bahala na kung matuloy bukas o hindi, basta gagala ako!!!! ahahahaha.

Kaw gusto mo bang sumama? sakay na!!!! (superferry?) treat kita ng kwek-kwek na special. ahahaha. blue ang kulay hindi orange! ^^

(PS. dahil sa sobrang antok ko ngayon, at bobo ung kausap ko sa phone, hindi nya alam kung ano ang itsura ng Internet Explorer. I described it. Dapat sasabihin ko "letter E and color blue..." pero dahil nga inaantok ako, ang nasabi ko ay "LETTER BLUE"... hahaha.. natawa lang ako sa sarili ako at nagising ako kahit papaano.... :)

This email is confidential and intended for the addressee(s) only.

If you are not the addressee, please notify the sender and delete the message. Do not use the content in any other way.