Masama na kung masama, eh ikaw?

Hindi ako masamang tao….

-           kasi hindi ako PLASTIK para magbait-baitan sa iba.

-          Kasi hindi ko itinatanggi na may mapanuri akong mata at mapanlait na pananalita.

-          At hindi ko lang kasi kayang itago na lang ang sama ng loob ko kung minsan.

Hindi ako masamang tao…

-          Dahil wala pa naman akong binabayaran at inuutusan para pumatay tulad ng iba.

-          Dahil hindi ako isang politiko na nangungurakot at nagnanakaw.

-          Dahil hindi ako nagbabanta sa buhay ng iba, hindi ako nagbibigay ng death threat at kung ano pa man.

Hindi ako masamang tao…

-          Kasi sinasabi ko lang ang gusto kong sabihin, kung ano ang aking nakikita at napapansin. Lahat ng iyon ay katotohanan lamang.

-          Dahil sa kadahilanang nakagawa ako ng hindi mabuti sa kapwa.  Ano bang basehan mo sa paggawa ng kabutihan?

At higit sa lahat,

Hindi din naman ako mabuting nilalang…

-          May limitasyon ang aking kabaitan. Dahil kung magpapakabait ako sa lahat ng pagkakataaon, parang niloko ko na din ang sarili ko at nagbulag-bulagan ako dahil may mga taong umaabuso sa kabaitang iyon.

-          Hindi ako namimigay ng limos. Kung gusto kong tumulong, tutulong ako. Hindi ako bayani para bigyan ng limos ang lahat ng nanlilimos.

-          Ni hindi ko na maalala kung kelan ako huling nagsimba. (1 beses lang ata, simbang gabi pa yun). Aminado ako, na hindi nga ako nagsisimba… pero kung ikukumpara mo naman dun sa mga “nagbabanal-banalan” na halos araw-araw may novena, lingo-linggo ay present sa simbahan, nag-aalay, may padasal pa, pero kapag paglabas ng simbahan at kung may gulo sa pamilya ay kung anu-ano nang masasamang salita ang sinasabi nila! Anong sense nun pag-novena, dasal at alay mo hindi ba?

So anong meron kaya nasabi ko ito?.... wala lang. EMO much. Ahahaha. Ang sa akin lang, bago ka humusga ng tao, bakit hindi mo muna husgahan ang sarili mo. Saan ka ba nabibilang?... Or baka naman hindi mo pa kilala sarili mo kaya minsan, salawahan  ka. Feeling mo mabait ka, pero may sungay ka pala. Or vice versa, akala ng iba napakasama mong tao, pero nagkakawang-gawa ka naman. Sadyang magulo ang buhay. Kung hindi ka magpapadala sa sinasabi ng iba, hindi magbabago ang pananaw mo dito at hindi magbabago ang ugali mo kung sino ka man. Ang pagkilala ng kapwa ay nagsisimula muna sa pagkilalala mo sa sarili moh… Kung hindi mo kilala kung sino ka, TALO KA!